Kombëtarja e Kosovës në futboll, sot mban stërvitjen e fundit para ndeshjes me Zvicrën.

Dardanët dhe zviceranët do të përballen nesër mbrëma në ‘Fadil Vokrri’, në kuadër të xhiros së fundit të kualifikimeve për Kupën e Botës 2026.

Kosova në duel me Zvicrën, vjen pas fitores historike kundër Sllovenisë (2-0), duke siguruar ‘play-off-in’ e Botërorit të ardhshëm, derisa zviceranët pothuajse tashmë kanë siguruar kualifikimin në Kupën e Botës 2026.

Sipas FFK-së, kombëtarja jonë stërvitjen do ta mbajë në ‘Fadil Vokrri’, derisa konferenca për media e kombëtares sonë, do të mbahet në orën 12:45.

Ndërkaq, konferenca e Zvicrës mbahet në orën 15:45, kurse, zviceranët stërvitjen e mbajnë në orën 17:00.

Të gjitha aktivitetet zhvillohen në stadiumin “Fadil Vokrri” në Prishtinë.